ዓይነታት ወሲባዊ ጸገማት

ብዙሓት ሰባት፣ እንኮላይ መናእሰይን ዓበይቲን፣ ኣብ መዋእሎም ወሲባዊ ጸገማት የጋጥሙዎም። እዚ ንቡር እዩ።
መብዛሕትኦም ወሲባዊ ጸገማት ድሕሪ ግዜ ዝጠፍኡ እዮም። መብዛሕትኡ ግዜ በዞም ዝስዕቡ ምኽንያታት እዮም ዝመጹ:

• ጭንቂ;
• በሽታ;
• ድኻም;
• ናይ ርክብ ጸገማት;
• ካብ ናይ ስጋዊ ርክብ ህይወቶም ዝተፈላለየ ትጽቢት ዘለዎም መጻምድቲ።

ልሙዳት ወሲባዊ ጸገማት

ልሙዳት ወሲባዊ ጸገማት እዞም ዝስዕቡ እዮም:

• ዋላሓንቲ ወይ ትሑት ወሲባዊ ቃሕታ;
• ሓዲኦም ካብቶም መጻምድቲ ዋላሓንቲ ወሲባዊ ቃሕታ ዘይብሎም ይኾኑ ወይከኣ ትሑት ቃሕታ ይህልዎም;
• ንቑጽ ርሕሚ;
• ናይ ዘይምውታር ጸገም;
• ጥርዘውነ ዘይምህላው፣ ወይከኣ ኣዝዩ ቀልጢፉ ዝመጽእ ጥርዘውነ;
• ካብቶም ጭዋዳታት ጎሎኣዊ ባይታ ዝመጽእ ብዙሕ ውጥረት; 
• ቃንዛ ኣብ እዋን ምስላዅ መትሎ

ኣዝዩ ብዙሕ ፖርኖግራፊ

ፖርኖግራፊ ምርኣይ ቅቡል እዩ፣ ግን ኣዝዩ ብዙሕን እናሻዑን ክኸውን እንከሎ ግን ጸገም ክፈጥር ይኽእል እዩ። ካብ ሓቂ ዝረሓቑ ወሲባዊ ትጽቢታት ክህልወካ ክገብር ይኽእል እዩ። ብተወሳኺ ኣብ ማሕበራዊ ህይወትካ ጽልዋ ከሕድረልካ ወይከኣ ኣብ ርክብካ ዘይምቅዳው ከስዕበልካ ይኽእል እዩ።